كتب: صالح الحاجّة
شوف سيدي خويا عندك الحق كيف ماعادش تفهم شيء …وانا كيفك والله ماعاد فاهم شيء …
ضباب ..وغموض ..واختلط الحابل بالنابل …واختلطت علينا السبل …
راهو اليوم صعيب برشة بش تنجم تفرق بين الابيض والاسود …بين اللي مع واللي ضد …بين الحقيقة واللي مش حقيقة …بين الصادق والكاذب …بين اللي يخدم لربي واللي يخدم بربي …بين اللي يحب يخدم البلاد واللي يحب يخدم مصالحو …وبين …وبين .. ماعادش تنجم تفرق ..
الأوراق تخلطت …ودخل فيها القعباجي …والتمثيل والسينما غلبوا الواقع واستولوا عليه ..
انت حاير وانا حاير وكلنا حايرين …واحنا ضايعين …
ناس قراب منا وبعاد علينا طايرين في السماء واحنا مازلنا لليوم نجريو على دبوزة ماء وربع دجاجة …
الله غالب ..والله انا ناكل في روحي ونبلع فيها ونغص …
ربي الصدر ضاق بما لا يُقال …
