كتب: محمد الاسود
حبيت نحكي اليوم على فنان …..من ريحة الكبار ومن طينة العمالقة خاصة لما نحكي على لقب بلقايد اللي يهزني طول لعايلة محبة للفن والموسيقى كيما خوه الفنان الكبير عبد الباسط بلقايد ،عبد الحكيم بلقايد والا ‘كيتو’ كيما القراب يعيطولو فنان كبير ….انا ياسر نحبو ونحترم مسيرته …والأعمال اللي قدمها ….باش نحكي على عبد الحكيم بلقايد….عازف العود …. الملحن ….قائد الفرقة ….
واهم من هذا الانسان الخلوق الطيب اللي لطالما قدم وصنع نجاح العديد من الفنانين …عيد الحكيم بلقايد …يادروب الحياة للفنانة سنية مبارك…سينما،أنا حبيت واتحبيت وبااااارشة حاجات اخرين للفنان لطفي بوشناق ….وبارشة أعمال يمكن غايبة عليا تو …بالإضافة إلى الموسيقى التصويرية والمعزوفات..
لا استجداء
ما كتبتش الكلام هذا لاستجداء عطف اي شخص او مؤسسة او وزارة …..لأنه زايد وفاقد الشي لا يعطيه …..
كتبتو باش العازفين الصغار والناس تعرف اللي فما فنان في تونس قدم الكثير للموسيقى التونسية والعربية
وفرصة باش يسمعوا أعماله ويعرفوا اش عمل السيد هذا
وانا واحد من ناس كان لي شرف التعامل معاه والتعلم منه إنسانيا وفنيا ….خاطر اللي ما عندوش ماضي ما عندوش حاضر وما عندوش حتى مستقبل
ربي يحفظك ويفضلك صديقي الفنان
ودام فنك وابداعك
