كتب: صالح الحاجّة
حول الزيادة المرتقبة في الشهريات يا اما واما ..
اما انها تكون زيادة بالمنجد على طريقة إذا وكلت شبع وواما سيب علينا …وتبقى جيوبنا فالسة..وحالتنا حليلة ..ونشهقو ما نلحقو ..
شوف سيدي خويا وبرجولية الزيادة يلزمها تكون على الأقل من مليون لثلاثة على خاطر كل شيء ولى نار ومسمار ..
ما نحكيلكش على اسوام الدواء ..
مانجبدلكش على لحم العلوش والحوت والغلة ..
وما نفكركش في فاتورات الستاغ و الصوناد ..
ومش لازم نزيد نحكيلك على حوايج اخرى ..
