كتب صالح الحاجة
لو كان مش الدلاع والبطيخ يطفيو ناري لقتلتني سخانة ها الايام ..
ما احلى دلاعنا ..وما احلى بطيخنا ..
شيخة كبيرة كي نشري حتى برج واحد دلاع ..
نروح للدار وانا زاهي ..
ونحمد ربي بالحفنة على نعمتو …
وماتتصوروش قداش نتفرهد ونعمل كيف وقت ما نرى كميونات الدلاع والبطيخ وهي تجوب البلاد..
دلاع أكداس ..وبطيخ اكداس ..والاسوام معقولة ..
كي نشوف هاك الاكداس نزيد نقتنع اللي بلادنا بلاد خير وبركة ..
مهما جرى ويجري تبقى بلادنا بلاد يطيب فيها العيش حتى في أسوأ الظروف ..
الحمد لله مليار مرة وما يزيش ..
