كتب: صالح الحاجّة
يظهرلي الطقس ولى ياخذ ويعطي …وولى يلعب معانا في حمراء كحلة ..
طقس سريالي ماعادش مفهوم بالكل… لا الصيف صيف ولا الشتاء شتاء ..
في النهار الواحد نعيشو اربعة فصول ..
الأمور ما تعجبش بالكل وما سخانة صيفنا السنة الا مشطرة والبقية تأتي ..
الناس في اسبانيا والا فرنسا مثلا بش تحرقهم السخانة ..
ومتفهمش ها الهدرة واشنية عاقبتها ..
العجايب الكل ريناها …فيضانات …زوابع …وسخانة جهنمية ..والعرض على قدم وساق ..
قبل قليل قيل لي إن عاصفة رملية قامت في توزر والدنيا ظلامت ..
ربي لا يعطينا الا ما نتحملو ..
اما هذا الكل في كوم واللي قاعد يجري على الفلسطينيين في كوم …
وانا في العذاب هاني نعوم ..
