كتب: صالح الحاجّة
حكاية على حكاية ما تركبش على بعضها وباش الواحد يقتنع بها لازمو كمية ضخمة من الغباء …
واحنا فدينا من حكاية القطوس والفار …
الحكاية مساطت وماعادش تجد حتى على صغارنا …
ثم وبصراحة ظهر بالكاشف ان القطوس والفار متفاهمين مع بعضهم ..
هذا ياكل ..وهذا ياكل …وكل واحد منهم يبات شبعان …
متفاهمين علينا ويعديو فيها علينا واحنا كي الاطرش في الزفة ..
انا شخصيا تعدات عليا برشة مرات …وإذا بي نكتشف اللي انا دغفة ..
اكتشفت اللي هوما يتعاركو قدامنا ومن بعد يسهرو مع بعضهم …ويقسمو مع بعضهم …وكل واحد يهز من الغنيمة اللي يكفيه ..ويعود الى داره فرحا مسرورا …
الحكاية ما تركبش على بعضها …فاخطاونا يرحم والديكم …وبراو العبو بعيد علينا …
لقد سقط القناع عن القناع …وتأكدنا اليوم ان القطوس مش قطوس …والفار مش فار …
