كتب: صالح الحاجّة
ساعة ساعة تسمع واحد من المترشحين يوعد فينا بالجنة فوق الأرض … ويقولنا تونس بش نرجعها كيف امريكا..كيف فرنسا..كيف السويد ..
ويسرح بينا السيد في الخيال ويعبي لنا كروشنا بالفارغ …واستنى يا دجاجة..
وهو ما يعرفش المسكين اللي احنا ما نحبوش تونس تولي كيف اليابان..ولا كيف الصين …ولا كيف حتى بلاد في العالم ..
احنا نحبو تونس تكون تونس اللي نعرفوها …وعشنا فيها… وكبرنا فيها …وعشقنا الحياة فيها …
معناها وبالمختصر المفيد نحبو تونس تكون تونس مخلصة لأهلها …و متصالحة مع نفسها …و’هز يدك م الطبق لا تتحرق’..
