كتب: صالح الحاجّة
والله من كثرة ما سمعت من وعود تخص الهمهاما في رمضان نحس في روحي شبعت …وبشمت …وكرشي تنفخت ..
معنى ذلك اننا في رمضان بحول الله باش نشبعو في الليل …ونعديو النهار واحنا نهضمو …وماناش باش نحسو بالجوع بالكل …
وعود لا اول لها ولا اخر …ما شاء الله وتبارك الله …
زيت زيتونة على موز على دجاج على اسكالوب على لحم دجاج …وكلو باسوام تعمل الكيف …
عبي قفتك وما تروح كان فرحان …
راهي وعود تخلي الواحد يتمنى لو كل شهورنا رمضان ..
ما تحرموش أرواحكم من الفرحة بالوعود …
وزغرتي يا مباركة …
