كتب: صالح الحاجّة
احكيووو…وزيدو احكيووووو ..
سمعنا حكاياتكم مرة واثنين وثلاثة …
حفظناها عن ظهر قلب ..
تحكيو ..تحكيو ..حتى ولينا نظنو اللي انتوما ماكينات ..ما كمش عباد …
من 10 اعوام او مايزيد واحنا نسمعو فيكم …
وما خذينا منكم كان الكلام …
كلام ..كلام ..
كل عام ..وكل يوم اللي نسمعوه البارح نعاودو نسمعوه اليوم ..
وحكاياتكم ديمة اكتب على ظهر الحوت وسيب في البحر …
واحنا بصراحة غصينا ..فدينا ..تعبنا …ماعادش بيها وين ..
يزيو عاد ..فكو علينا ..كثرتو على ما وصاوكم …ايه فيقو على ارواحكم ..
في بالكم تعديو فيها علينا ..
لا سيدي فقنا بيكم ..وماعدش حكاياتكم تجد علينا …
وبنديركم ماعادش يشطحنا ..
شوفو لعبة غيرها …
لعبتكم مساطت وشاطت وقراصت …
صحة ليكم لعبتو كيما حبيتو ..وزيدو العبو ..
واحنا لينا ربي ..
