كتب: صالح الحاجّة
ما أكثر ما نكذب على بعضنا البعض …
اكاذيبنا كثيرة جدا وبالوان وصيغ مختلفة ..
يقول لك والله احبك في الله ..
وما ان (تعمل الدورة) حتى يطلق عليك رصاص الكراهية والغدر والخيانة ..
عندما تكون أنت في موقع القوي يتودد إليك …ويمدحك …ويقول لك ‘والله ما كيفك حد’ و ‘يرحم امك اللي جابتك’..
وبمجرد ان تضعف قليلا …او ‘ادور الدنيا عليك’ حتى ‘ينزل فيك ركبة’…
أحدهم أخبر صديقه بقوله : سمعتش بالوزير الفلاني تكسر ..
فرد بقوله : يستاهل …جد عليه اللي هو في مستوى وزير …يمشي كان يشيت ..راهو شلاكة ..
فاستدرك القائل : لا ما تنحاش من الوزارة …طاح في الدروج تكسرت ساقو ..
وإذا بصاحبنا يرد بسرعة : بالله تعرفش عنوان دارو نمشيو نطلو عليه ونستلطفولو…
