كتب: صالح الحاجّة
ما اخيبها الحكاية …وما اخيبها برشة…وما امسطها عندما تتوكل على الله في الصباح وتطلع في كرهبتك والموتور يصك وما يحبش يخدم ..
ادور ..ادور ..ويشد صحيح ما يخدمش …
وتبحث عن السبب فتجد ان الباطري بالعة …
وبكم الباطري الجديدة ؟..
350 دينارا ..فقط لا غير …دام الله الخير…
سمها صدمة …ضربة على الدماغ…طيحة على الراس ..
وعندما تحلل المسالة تحليلا منطقيا تكون النتيجة على النحو التالي :
انت الباطري انتاعك هي اللي فرغت …
انت الريزو انتاعك طايح…
انت اللي يلزمك تعرف وتقتنع انك “هرمت من اجل هذه اللحظة”…
