كتب: صالح الحاجّة
بالله شنية علاقتي أنا المواطن البسيط العياش بترومب وبزيلينسكي وبوتين وبحاكم ايران وغيرهم من زعماء العالم ؟..
انا في حالي وما أبعدني عليهم ولا اعرفهم ولا يعرفوني ومع ذلك يدخلولي في معيشتي اليومية ويقررولي مصيري ..
الدينار اللي في مكتوبي هوما اللي يتصرفو فيه بالزيادة والنقصان ..
كوجينتي هوما اللي يحكموا فيها ..
شهريتي هوما اللي يعطيوهالي باليمين وياخذوها باليسار …
يتدخلون بكل حرية وصلف في حياتي اليومي ..
وهم من يحددون مزاجي ..
وزيد فوق هذا الكل يكسرولي راسي كل يوم بأخبارهم وخلافاتهم وقراراتهم …
ملا وقت ..وملا زمان …و ملا فدة…
ويجي شكون يحب يقنعك اللي وقتنا هذا خير من وقت راس الغول ..
