كتب: صالح الحاجّة
ما أصعبنا احنا التوانسة مع بعضنا …وعلى بعضنا …
وما أقساك يا تونسي على التونسي …
قلبك على ناسك حجر …ولا رحمة ولا شفقة..
علاش احنا هكة؟
ما نعرفش ..
خوذو أنس جابر كمثال ..
هي تتعثر …او تخسر …أو تعلن انسحابها لسبب من الأسباب حتى تشتعل النيران الصديقة …
ياكلوها ماكلة بتعليقاتهم …واحكامهم …وتمقعيرهم ..
مسكينة …مش من حقها تتعب…والا تمرض …والا تختار القرار اللي يناسبها …
في تونس كان نجحت يذبحوك …وكان ضعفت والا فشلت يسبوك…
