الزالس: الأمين الشابي
***
بالمزلس احكي ها للاّ ما تسكت وزيـد
على بوراس والعنكوش وعمّ الصنديد
مزلسنا فرحنا بيه وقلنا ماو هو جديد
الزواز بالتعدد نادى يا فرحتنا بالجديد
انشطاين قال أنا أعمل إذا أنا موجود
واحد يسبّ ويتوعد والقلب من حديد
ما عاجبو حتّى شيء لا قديم ولا جديد
ناري يا ناري على المزلس وين عاد
ضاع في ثنية سعديـة وسالم وسعـاد
الشعب يستنى لكن راهو قريب والله يفد
من خرافـة أم السيسي ويطالب بالجـدّ
وضع صعيب يعيش ومزلسنا يعدّد ويعدّ
وحدة رفضت الأصل ما تقبـل إلاّ الحاسوب
الآخر نكر في أصلو ولّى جاك وجاكوب
ناري على المزلس وزلاسه وين ماشي
الشعب تاعب ما قدر راهو قريب يساسي
مزلس وحدو يحسب لين وجعلي راسي
لا كوعو من بوعو فاهم ولا وين يشب
خذعنا قبلهم اللي يعرف ربي ولكن كذب
غلات الخبزة ومزلسنا راهو شيء العجب
