كتب: صالح الحاجّة
عندي صاحبي قدم البارح مطلب للبانكة في قرض على الشرف ..
يمكن يكون أول مواطن في تونس يصب مطلب..
قبلوه من عندو …ووعدوه اللي مطلبو مستجاب أما يستنى شوية..
كيف حكالي وهو هابل بالفرحة كلمة : ‘استنى شوية’ ما عجبتنيش ..
علاش؟
على خاطرها في القاموس التونسي المتداول معناها يبطى شوية ..
ويبطى شوية لها تاريخ طويل وذات سمعة سيئة ..
على كل حال هنيت صاحبي وقتلو أنا فرحنالك و ان شاء الله ما ثمة كان الخير ..
وأضفت قائلا: ما تخافش صاحبي… القرض جايك جايك …على خاطر بصراحة انت شرفك أغلى من المبلغ التافه اللي طالبو..
