كتب: صالح الحاجّة
السبوعي ربي يرحمو زعيم الكوميديا في تونس بلا منازع …
مجرد ظهوره أمامك يرفه عنك.. .ينسيك همومك … يدخل عليك حالة من البهجة والانتعاش والفرح …
والفرح في تونس ليس بالأمر السهل او البسيط او المتاح ..
انت عندما تفرح يحسدوك ويغيرو منك ‘يتغششو عليك ويعملو المستحيل باش ينكدو عليك’ …
وانت قدام حملتهم المعادية لفرحك ماتنجم كان تمتنع عن الشعور بالفرح …وتلغي فرحك …وتخفيه …وتقول لهم : سامحوني ماعادش نعاود صنعتي ونوعدكم ماعادش نفرح بالكل ..
وعندي انا السبوعي الصانع الأول للفرح في تونس ..
وزير للفرح أكثر …أكثر …
ماكينة توزع الفرح على عباد الله جميعا ..
انه اكثر من ذلك بكثير ..
هو صيدلية شعبية تقدم الدواء للجميع بالمجان وعلى رحمة الوالدين ..
هذاكة علاش يلزمنا نترحمو على السبوعي يوميا …
الله يرحمك يا سبوعي …يا باهي …
