كتب: صالح الحاجّة
نعرف مليح اللي انا نحلم …أما شنوة المانع بش نحلم ونشيخ بحلمتي ..
نحلم يقوم المواطن ذات صباح ويلقى خبر يقول اللي دولة عملت منحة جديدة يستعين بها المواطن على مقاومة الغلاء..
علاش لا؟
الدولة قوية ما شاء الله عليها واشكان عليها كان تعاون المواطن المسكين التعبان الغلبان ..
المواطن اللي ما في حالوش؟
قلت اللي ما في حالوش؟
ياخي مازال مواطن في حالو؟
بكلنا ولينا للعنكوش…
الدولة دولتنا وما فيها باس كان ندللو عليها ولو مرة في الفال …شبيها هي تدلل علينا كل يوم ..
