كتب صالح الحاجّة
لا تصدق إذا قيل لك ان الفلوس هي وسخ دار الدنيا ..ولا تصدق اذا قيل لك ان هناك من لا يهتم باخبار الفلوس ..ومن لا يطلب الزيادة في الرزق …
الفلوس يا سيدي حطوها على فم الميت ضحك ..وفي رواية اخرى قام يقهقه ..
الفلوس باهية ..ومرغوب فيها ..وبلاش بيها لا حياة ..ولا كرامة ..ولا راحة بال ..
الفلوس مفتاح ضروري يفتح كل الأبواب…
ومن لا يحب المال مازال ماولدتوش امو ..
اليوم على سبيل المثال لا حديث الا عن الزيادة في الشهرية .
تونس كاملة مشغولة انشغالا واسعا ورهيبا بهذه الزيادة ..
وسواء كانت الزيادة تفتوفة أو لا فإنها خير من بلاش ..
ربي يرزقنا وينزل البركة ..
وربي يزيد للي عندو ..ويعطي للي ما عندوش ..
