كتب صالح الحاجة
والله العظيم انا حائر كيفكم ما نعرفش الى هذه اللحظة بش يزيدونا في شهرية التقاعد والا لا ..
وفي صورة الزيادة قداش بش تكون؟
زيادة باهية والا زيادة شكلية ..وزيادة وهمية ..؟
بصراحة ما نعرفش ..لكن على كل حال سبق الخير تلقى الخير ..
اما اللي خوفني وقلقني انو احد المطلعين قال ان الزيادة ستكون بمثابة حق قهوة كل يوم ..
و كان الهدرة هاذي صحيحة انا ما عادش شاربها ها القهوة المحنونة ..
قهوتي مسامحكم فيها وخلوها عندكم ..
