كتب: صالح الحاجّة
الصدفة وحدها جعلتني التقي أمس مع أحد الزملاء الذين جمعني وإيّاهم الورق والحبر ونحن نركب قطار العمر معا…
تبدلت ملامحه ..ويمشي ببطء ..ويتكلم وهو غير راغب في الكلام ..ويحمل فوق ظهره حزن أمّة أعلنوا وفاتها ..
وسألته عن أحواله فقال لي :
هاك تشوف فيا نمشي على ثلاثة …وظهري تقوّس …وسنوني طاحت …والمساطة هاجمة عليا من كل بقعة…حتى الماكلة عفتها ..
قلت له : إذن الصحافة ما قصرتش معا:
قال: الشيء الوحيد اللي خرجت بيه من المهنة هو الكرش …هاك تشوف كاني حبلى في التاسع ..
وأضاف: الحمد لله على كل حال هاني خرجت على الاقل بكرش باهية ..بعض الزملاء خرجوا بلا رفيق ولا صديق ..
ولم اقل له قبل أن أودعه: احمد ربي من حسن حظك ما املاوهلكش بالكذب ..
يلعن بو ها الوقت ..
