كتب: عادل قريعة
بربي ما نبداوش التوانسة نرفسو ونعجنو وحدنا، انا شخصيا كتبت وقلت عنا اصوات جميلة يغنيو لام كلثوم مليح وذكرت علياء بلعيد، ومع علياء عنا اصوات قوية وحلوة منهم نجاة عطية ويسرا محنوش وسنية بن عبد الله واية دغنوج ورجاء بن سعيد وهالة المالكي ومحرزية الطويل وصوفية صادق غيرهم…
اما نبداو نهزو ونسبطو ونقللو من قيمة المطربة المصرية مي فاروق هذا يتسمى تخلويض….مي فاروق عندها خامة صوت تبارك الله عليها وهذا بشهادة كبار الموسيقيين في الوطن العربي مانتخمروش برشا ونحيو الهرتلة الزائدة اللي تضربنا احنا التوانسة مع كل مناسبة والريق متاع المطربة الفلانية تهرب بمي فاروق هذا يتسمى تعسف على مطربة عربية تعتبر من افضل المطربات اللي يغنيو اغاني ام كلثوم كل حاجة في بلاصتها ونقصو من التخميرة متاعنا…واحنا نهيجو كيف البحر
