كتب صالح الحاجة
تحب تعرف كيفاش احنا عايشين ..وتعرف زادة فلسفتنا اليومية ..
تفضل اقرأ..
انا قاعد وانت هاك قاعد …ماتقفش ..
خاطر كان تقف تولي تمشي …
وكان تولي تمشي تولي تجري ..
وكان جريت تهرب عليا ..
وكان هربت ماعادش نخلط عليك ..
عاد مش خير تقعد قاعد ..وانا قاعد معاك
واحنا قاعدين انت لاباس ..وانا لاباس …وكلنا لاباس ..
وكل واحد منا يدخل ببوشتو ..
وشد بقعتك خويا العزيز… واركح ما تفرحكش ..
وما احلاها عيشة القعدة …والقعاد ..
وريض لا تصبح مريض..
