كتب صالح الحاجّة
صديقنا الحاج مبارك حتى بعد أن تعب وحملوه الى ‘الكلينيك’ لم ينس إهانة الشاب له يوم الانتخابات عندما قال له: اش مجيبك يا شيبة..
طلبنا منه بكل إلحاح ان ينسى الحكاية ويطوي الصفحة فقال لنا:
بالله كيفاش ننساها والكلينيك ذبحتني ودمغتني بـ 6 ملايين ..لا رحمة ولا شفقة …ما قدروش ظروفي وانا متقاعد وراجل كبير وما عنديش لا تجارة ولا فلاحة ..
وأضاف يقول :
تعرفوش اش قالي مدير المصحة؟
قال لي ادفع بالتي هي أحسن وخلصنا وخوذ معاك الفاتورة للدار واعمل الحساب وكان لقيت غلطة ارجعلنا …
وكان يكلم فيا باستعلاء ومش حاسبني بالكل ..
والله العظيم زاد على ما بيا ..راهو وجعني …
هكة يا رسول الله يجرالو المتقاعد ..
