كتب صالح الحاجّة
لو جات الدنيا دنيا راهو المتقاعد في بلادو ملك على راسو تاج ..وريشة ..
أما الدنيا الله غالب خايبة …وغدارة ..وخوانة ..وحقارة ..
اللي يكبر شوية يمضمض ..ويلقى روحو يعوم في الناشف ..
هاك النهار واحد مسؤول ..ايه نعم مسؤول تبارك الله عليه قال وهو يفسر علاش الصناديق الاجتماعية باركة :
المتقاعدين في تونس يعيشو برشة …
معناها يلزمهم دوب ما يخرجو على التقاعد يتوكلو ويمشيو للجبانة ؟..
وكي يموتو هوما بكري الصناديق تتفرهد ميزانيتها ..
ملا كلام …وملا تربية ..وملا اخلاق …وملا ثقافة ..وملا تحليل؟
اش عندي باش نعلق …وباش نقول ؟..
راهو كلام يزيد يؤكد اللي الدنيا ما هياش دنيا ؟..
