كتب صالح الحاجّة
ظهر الحاج مبارك من جديد في المقهى ولكنه عاد ‘مكشبر’ على غير عادته ..
سالته: تي اشبيك يا حاج ماكش قد بعضك …لاباس؟
وهاج وماج وكأنني ‘سبيتو’..وقال:
منين لاباس ودخلة وخرجة للكلينيك تكلفتلي بـ 6 ملاين …منين جاني انا بش ندفع ها المبلغ …انت تعرف اللي انا متقاعد عاش ما كسب مات ما خلى …
قلت له: المهم ياحاج انت خرجت صح سالم هاك تبارك الله عليك اطنطن …6 ملاين انقذوك من الموت مش حاجة كبيرة ..
قال لي وهو يصيح :
ياخي هوما اش عملولي …ركحولي الدم يقومو يروبولي الدم …انا مانحبش الكلينيكات وزدت…
قلت له : هيا حاج وسع بالك وربي يخلف عليك ودفع الله ما كان اعظم …
