كتب: صالح الحاجّة
يا سي سامي الفهري …يا طيارة …عهدي بك منتج تلفزي تلقفها وهي طايرة …ولكن في رمضان السنة خيّبت ظن الناس الكل ..وقدمت لهم عمل يغدد …ويفدد..ويحشمك معاهم..
في بالي قناتك في مأزق وتعاني من الشح المالي وهزساق تغرق الاخرى تكمل انت تصرف الملايين على برنامج ماسط لاسط اللي يشوفو من المستشهرين يهج ويشق الخلاء …
برنامجك سي الفهري قائم على الإضحاك بالأساس فثبت شكون ضحك على شكون ؟.
وقبل ما نكمل بالله انا اش مدخلني..؟ القناة قناتو …والفلوس فلوسو …والضحكة ضحكتو …واللي تشوفو ر اكب على ‘سيتكوم’ قلو مبروك الحصان …
