كتب: صالح الحاجّة
خرجت في غرغور العشية مثلما نصحوني ..
قالوا لي وانت ‘شايب واحل في كحة’ ما عادش تخرج في غرغور القايلة ..وقد نسوا أنا الغرغور اصبح 24 ساعة متواصلة ..
مشيت وجيت وعملت خطوات وتحاملت على نفسي فإذا بي أجد نفسي اسبح.في بحر من العرق ..
انا نمسح والشيء يزيد …
انني اتنفس تحت العرق …
اكاد اختنق ..
اكاد احترق ..
اكاد اسقط..
ياربي علاش ها العذاب؟ ..
اتذكر انني طوال عمري عايش وصابر واتحمل واصبر ولكل امرئ من زمانه تعود..
وانا امشي واتعثر بينما نفسي تحدثني : كان انت الحر والمستور واللي لاباس تعاني كل ها المعاناة امالا اش يقولو هاك المنكوبين …هاك اللي فقدوا حريتهم …هاك اللي لعبت بهم الايام …وشاءت الأقدار أن يموتوا وهم أحياء …اش يقولو المساكن ..احمد ربي …وقول ربي وانت اللطيف بعبادك الطف بالمعذبين في الأرض وخفف عليهم وقويهم …فذلك أضعف الإيمان …
عدت سباحة في بحر العرق والدموع الى بيتي وانا اردد بصوت يرتعش :” اني مغلوب فانتصر ” وعادت معي صور الذين في النار ولا يحترقون وفي الماء و لا يغرقون ..
ان الله مع الصابرين ..
