كتب صالح الحاجّة
عم ماكرون عزيه يقبل العزاء ..
فرنسا معه مشات مارش اريار..ومن بعد عملت بيال ..وطاحت وامورها مكريزة ..
اللي بهتني اكثر هو ان واحد من كل ثلاثة فرنسيس جيعان في كرشو …وواحد من كل ثلاثة ما يلقاش بش يخلص فاتورة الضوء ..وغيرو ..
هذه إحصائية فرنسية مجبتهاش من عندي ..
تعرفوش علاش ماكرون وحل ووحل بلادو معاه وحلة المنجل في القلة …
على خاطرو من بدايتو وهو يتفلسف ..
والسياسة ما تفسدها كان الفلسفة ..
السياسة سيدي خويا هي الواقعية والا لا ..
السياسة هي ان تروغ مع الرياح …
