كتب: صالح الحاجّة
احنا التوانسة الاوائل اللي اخترعنا برنامج: ‘اللي يحسب وحدو يفضلو’…
وطول تاريخنا نحسبو وحدنا …وكل حسبة نحسبوها تطلع قرعة…
ولكن المذهل في الحكاية اننا مازلنا متمسكين بالبرنامج ..
قول شعفناش؟ النافع ربي …ماحناش مسلمين في الحنين الى الماضي ..
يرحمك يا ‘بزولة أمي’…
قال اشنوة ..قال لازمنا نحافظو على التراث ..
ومن شدة تعلقنا بالتراث…وبالماضي… وباللي تعدى وفات زعمة يرجع… ولى البكاء على الاطلال عندنا صنعة وحرفة …
هيا برة خويا ابعدني خليني نعمل طرح بكاء على هاك العام …عام اللي رقد فيه سيدنا الباي وما قام …
