كتب: صالح الحاجّة
سبق وأن قلت لكم انني اعاني من حالة بهتة مزمنة …سنوات مرت والبهتة تلازمني …
لكن البارح درجة البهتة زادت عندي حتى انني اصبحت اشك في قدراتي العقلية ..
واظن انني لم اعد افهم كوعي من بوعي ..
قولولي كيفاش ؟
اقول لكم انني استمعت الى كرونيكورة تلفزية تقول انها تنفق شهريا 4 ملايين ولكن ” مش مكفينها ” ..
4 ملايين يا بو قلب …وهي مش فرحانة ..
بالله كيفاش تحبو مخي ما يقفش ؟..
كيفاش الواحد ما يطرشقش؟..
ومع ذلك هاني نحمد في ربي اللي ما كسرتش راسي على الحيط ..
