كتب صالح الحاجة
يسبك ويشتمك ويطيحلك قدرك في “الفيسبوك ” ثم يمشي للقهوة ويقول لاصحابو : اهوكا سلختو بابرة …اهوكا فضحتو …اهوكا نحيتلو والديه …
ويقول له اصحابو : يعطيك الصحة …والله وحدك الحاصيلو …انت بطل ووليدها وما تنجمو كان انت ..
ويخرج من القهوة يمشي باكتافو وحاسس روحو اللي هو بطل يستاهل جائزة نوبل في قلة الحياء والبلادة والنذالة …
بالفعل هو نذل ما لقاش شكون يشدو من وذنو و يقلو : فيق على روحك راك مريض وتافه وحقير وجبان وماعندك حتى قيمة وراك امسخ ولسانك منتن وريحتك قارصة ..
طز اقولها بالفم المليان لامثال هذا النذل والقافلة تسير والكلاب تنبح ..
