كتب: صالح الحاجّة
كنت انوي الترشح لرئاسة جامعة كرة القدم لأنني بصراحة أحب ان أصبح ‘مولى الكرة’ في تونس ..
جريت ..وجاريت …وجمعت الاوراق ” منا ومن غادي ” وكوّنت ‘ملف سمين’…
انا لا احب الكرة …ولا افهم في الرياضة بكل اصنافها …ولكن قلت ‘ما يسالش’ …’واش كان عليه’ …’ياخي اللي شادين مناصب فاهمين والا هوما خير مني’..
ولكن زدت تيقنت للمرة الألف انو ‘اللوبيات’ ضدي ..ويحاربو فيا …
‘اللوبيات’ تكتلت ضدي و عكلتني …وعطلتني …وعملتلي عمل …
هزيت الملف واذا بيهم يقولولي : اما توة خلطت امخر …وفاتك الفوت يا مهبول…
تغششت برشة وقلتلهم : والله لما نشكي بيكم للفيفا…
