طالبت الصحفية نعيمة الشرميطي، إدارة قناة الحوار بضرورة طرد الثلاثي بية الزردي وحنام العشّ ورانيا التومي…وذلك على اثر بث الحلقة الأولى من برنامج “Jeu dit tout”، في موسمه الجديد على قناة سامي الفهري…
وقالت في تدوينة على حسابها الرسمي “فيسبوك”، “توضيح: حكيت في ستورياتي على أنستغرام على المحتوى الإعلامي متاع حصة إعلام المزابل لأمين قارة و هاك الثلاثي اللي يفدلكوا بكلمة ‘بايرة’..
نحب نقول راهو اللي صار انحطاط فكري و حط من صورة المرأة في وقت تتعرض فيه المرأة التونسية إلى عنف كبير و الإعلام مطالب بالدفاع عن المرأة بصفة عامة و لا يجب السقوط في خطاب ميزوجيني تحقيري ضدها….
كما أطالب قناة الحوار التونسي أولا بسحب الحصة المذكورة بتاريخ 28 سبتمبر 2023 لما تضمنته من خروقات، وفق وصفها
ثانيا : طرد الثلاثي حنان العش و بية الزردي و رانيا التومي اللي شوهوا صورة المرأة و اللي عاملين البلاتو بش يصفيوا حساباتهم مع ناس معينة…
ثالثا : اعتذار قناة الحوار التونسي عن المهزلة الإعلامية و نحب نقول راني أكثر وحدة ندافع على حرية التعبير و اللي قاعد يصير في البرنامج ليس بترفيه أو إعلام بل هوtélé poubelle
رابعا: أدعو زملائي و المجتمع المدني إلى امضاء عريضة لوقف موضة ( الكرانكة كرونيكور) و هذا الزحف و الغزو من قبل الدخلاء و الدخيلات في وسائل الإعلام ( تلفزة و راديو ) و الحد من هذه الظاهرة الخطيرة جداااا، وفق توصيفها…
