أثار ظهور ‘التيك توكوز’ ضحى العريبي على شاشة قناة الحوار التونسي مساء السبت 2 ديسمبر 2023 جدلا كبيرا..وردود أفعال شتى بين الرافض لهذا النوع من الاستضافات التلفزيونية التي تنشر التفاهة ولا شيئ غير التفاهة، وبين من رأى في ضحى حالة غريبة تستحق التوقف والدرس!
ومن بين هؤلاء المختص في علم الاجتماع معاذ بن نصير، الذي أبدى استغرابا كبيرا من تصريحات الفتاة ضحى العريبي…وخصوصا التي قالت فيها بالحرف الواحد: “نعرف خليجيين يقولولي مانرقدو كان ما نشوفوك في اللايف »!
وقال بن نصير تعليقا على هذه التصريحات: ” نبهت كي نشوف “مرى تونسيّة” تقول بكل فخر إنو بعض الخليجيين ما يجيهم نوم إلا بعد ما هي تحل لايف عالتيك توك ويشوفوها…
نبهت في 2023 في بلاد مجلة الأحوال الشخصية 1956 ، في أول دولة عربية قامت بإلغاء الرق 1846…
في تونس إلي بثقافتها وبعراقتها وبتاريخها وبترسانة قوانينها قامت بحماية المرأة وحقوقها…
بعد هذا الكل…
تجي تو تيكتوكيز وبكل صحة رقعة تقول إنو ذكورة الخليج ما يحلالهم النوم إلا ما يشوفوها ويرشقو عليها…
بالنسبة ليّ هاذي ما تمثلش المرأة التونسيّة المستقلة والناجحة والحرّة والواعية والمثقفة والمربيّة…
ما تمثلش المرأة التونسية الحاذقة والمڤدية في نفس الوقت…
هاذي ما تمثل كان نفسها والقطيع إلي يتبع فيها وإلي يعتبرها مؤثرة…
