ملزومة: الأمين الشابي
***
نحنا نستنوا و نعدو النجوم
في كلمة صبّوا
وغيرنا بالخنبة والسرقة
حساباتهم عبّوا
البعض حرثوا الأرض
واخدموا وازرعوا
والبعض كيف الفرزيت
يباتوا يغنوا
ويجوا في أخر العام
يحصدوا ويلموا
والبعض مثل النّملة يكلت
ويلمّ طول عمرو
لا يسرق وبعرق جبينو
لمّ عيلة أولادو وما همّوا
***
الدنيا هذي وسيعة رحيبة
وما تضحكش للزوالي
عمرها ما ضحكتلو ولا مرّة
والغير يملأ ويفرّغ
وعمرو ما اتلفت التالي
***
يا صاحبي الدنيا دوّارة
ودوام الحال من المحال
والغناء في الأخلاق
عمرو ما كان في المال
ولا فرق بين الغني والفقير
إلاّ بالطيبة وفعل الخير
ومهما اعطاتك الدنيا
واكسبت من المال الحلال
تبقى قيمة الراجل في كلمتو
ونخوتو بين الرجال
***
يا خويا هاني نوصيك
ما تخلي الفانية تغّر بيك
خوذ كلامي وربي يهديك
وينو فرعون اللي طغى وتجبّر
وينو هتلر، اعتبر ربي يخليك
مات ملعون وفي النار تغبّر
ارجع للمولى هو حاميك
والتكبّر ما يجبّر اللّي تكسّر
خوذ النصيحة قبل ما يجرى فيك
