كتب: سمير الوافي
أنا ممكن نتحمل الفشل في زواج…مكتوب !
ممكن نتحمل مشاكل الزواج…عادي !
ممكن نفشل في الإختيار…الله غالب !
لكن مستحيل نتحمل نكون محتوى سخيف في فيديوات…والا لايفات مرتي…تضحّك علي الناس…والا تبيعلهم خصوصياتي…وإلا نولي سلعة في التيك توك تجيب بيا الجامات والمشاهدات…وكاراكوز عند اللي يسوى واللي ما يسواش…وتولي علاقتي بيها مجرد ” سدّان باب ع القطاطس والكلاب “…!
أنا مانيش زوج أنستغرامابل كيما اللي يحلمو بيه بعض البنات…حياتي وخصوصياتي موش محتوى للفيديوات…يمكن أنا متخلف…معقد…مربّط…أوكي عادي…خير من طرطور…كاراكوز…أضحوكة…!
ما زلت نأمّن بحرمة البيوت…حرمة العايلة…حرمة الخصوصية…هيبة الراجل…مانيش ضد صنع المحتوى العائلي والمحترم والضامر والمفيد والترفيهي…لكن موش على حساب قيم الرجولة…والعائلة…والحشمة…والإحترام…!
