كتب: محمد الحمّار
سيئة الذكر غولدا ماير متاع هاك الكيان قالت اللي ‘العرب مايقراوش وإذا قراو ما يفهموش وإذا فهمو مايطبقوش’…هي في مزبلة التاريخ آما الكلام متاعها صحيح…
موش فقط العرب ما يفهموش اللي يتقرى الخ، بل عندهم نظرية ، مقاربة، منهج في عدم الفهم: أنت تُبسط موضوع، يعَدي عليه القارئ العربي، المستعرب، المعرب، العراب، العروبي، بعينيه، يلَعب عويناتو فوق الأسطر، يلتقط كلمة أو جملة متاع تكبيش. يكَبش فيها وبالوقت يستحضر كل ما من شأنو يعكس هاك الكلمة او الجملة. ويدخل فرندسي في نقاش بلاش نهاية، نهايتو صِدام فخِصام فسَب وشتم فافتراق…مانطَولش عليكم، نهايتو الحتمية استمرار في الهزائم، الفكرية والسياسية والاقتصادية والثقافية والعسكرية…أمام أحفاد أحفاد اللي قالت هالكلام الصحيح.
فبالتالي قادة الفكر في تونس بش يسمعو كلام حنبعل المجبري كي قال رانا نِحلمو أكثر من اللازم وما نخدموش بما فيه الكفاية؟! أبدا، لأنّ السكانار متاع مَلَكة السمع عند العرب هو نفسو متاع مَلَكة القراءة. هو العقل. مُعَطل، مُعَطب.
