كتب: سمير الوافي
علاء الشابي سافر لإيران وشاء القدر أنو يعيش حرب من أخطر حروب العصر هذا…وخرج من إيران بالسيف…الخمسة أيام اللي عاشهم تحت القصف يمثلو تجربة حياتية…
كل دقيقة تحت القصف كأنها دهر…ساعات لحظة والا دقيقة في حادث مرور تغيّر حياة ونفسية وشخصية إنسان…خلّي حرب فيها قصف دام خمسة أيام…كان ينجم يموت فيها اللطف عليه…
رجع لتونس يحكي على تجربتو القصيرة…لا إدعى البطولة ولا تقمص شخصية الشجاع ولا جاء يحكي على بطولاتو…حكى بصدق وعفوية وصراحة…لكن برشة تعليقات متاع مرضى نفسيين كالعادة…تنمر وشتم وتجريح وتهكم…أمراض نفسية مستعصية متاع نفس الحثالة…ما يسلم منهم حد…
أغلبهم فاشلين في حياتهم وتعساء معقدين ومرضى راسمالهم دينار لايت يصرفوه في الشتم والثلب…في نفس الوقت علاء في باريس مع مرتو يحوس شايخ ما على بالوش بيهم وما يسمع بحد منهم…ربي يشفيهم!
