كتب: رياض جغام
قبل البارحة …برشلونة مترشحة للنّهائي قبل دقائق من نهاية اللّقاء وما سكّرتش و ما رجعتش لتالي وباقي تلعب في لعبها و تهاجم وقبلت الهدف في الوقت القاتل وخرجت من السباق…
البارح باريس سان جيرمان رابحة 2 واحد و في الدقيقة 88 مدربها لويس انريكي يخرّج مدافع و يقحم راموس …ما يسكّرش وما يستحفظش و ما يوخّرش…قدّاش زدت احترمتك المدرّب محمّد المكشّر …
و قدّاش ضحكت على محلّلين ‘بودورو’…
يحبوها توخر لتالي
ليتوال رابحة واحد بلاش مع قفصة ويحبّوها توخّر لتالي و تقبل اللّعب و تقتل الماتش …المدرب محمّد المكشّر يزرع في عقليّة في ليتوال… وقناعة و اقتناع و فكر تنجّم تخسر بيه مقابلة لعدم الإنتباه كيف مقابلة قفصة و لكن تربح بيه فريق ينجّم يمشي بيك البعيد و يشرّفك …و تربح بيه أجيال تتربّى على الكرة الصّحيحة …
الخدمة تجيب
المدرّب محمّد المكشّر مرّة أخرى ازداد اقتناعا و يقينا أنّ ما فعلته في ليتوال لم يكن صدفة و لا ضربة حظّ…الخدمة تجيب…و الكرة في أقدام اللاعبين صحيح و لكن قبل ذلك الكرة في فكر و مخّ و اختيارات المدرّبين..
