العالم كله يكرّم كباره إلا نحن ‘نمرمدهم’ ونهينهم؟!

كتب: رياض جغام

احشموا شويّة…وين ماشيين بـ ‘المحقرانيّة’ و المذلّة و الإهانة و تطييح قدر المواطن؟؟….اليوم فضيحة كبيرة نقلتها في منزل عبد الرّحمان عدسة الزميل العزيز الصّحفي رضا هلال…

صرف جرايات المتقاعدين أمام شاحنة …يعني لا يكفي هؤلاء المتقاعدين الرّوماتيزم و السكّري و ضغط الدمّ و الوهن و الشيخوخة و متاعبها …يجمعونهم طوابير أمام شاحنة و كأنّهم “مادّين إيديهم للطلبة و يقولوا يا كريم متاع اللّه ” ؟؟؟…
احترموا سنوات طويلة وهم يعطون البلاد من صحّتهم و جهدهم …سنوات طويلة و هم يتعبون و يستنزفون و يموتون من أجل يوم يرتاحون فيه عندما يصبح كلّ شيء في البدن لا يجيب …
كلّ العالم يكرّمون كبارهم و يبجّلونهم و يقدّرونهم و يعزّونهم إلاّ نحن ‘نمرمدهم’ ونذلّهم و نهينهم …ألم يكن من الأجدر جمعهم في مقرّ المعتمديّة أو دار الثقافة او دار الشباب او حتّى مركز صحّة أساسيّة ….المهمّ مكان محفوظ وفيه حدّ أدنى من المرافق التي تحترم سنّهم…ملاّ بلاد …ياسر ذلّيتوها العباد …