على إثر “الأخبار” المتداولة بخصوص رفضه الجلوس على بنك البدلاء ومغادرته الملعب قبل انطلاق مباراة كأس السوبر التي جمعت فريقه، الأولمبي الباجي، يوم أمس الأوّل الأحد 7 جانفي 2024، بالنجم الرياضي الساحلي، والتي توّج إثرها فريق عاصمة السكّر باللّقب، نشر لاعب الأولمبي الباجي مالك شويخ تدوينة على حسابه على موقع الفايسبوك مساء أمس الاثنين 8 جانفي 2024 ردّ فيها على ما تمّ تداوله بخصوص هذه المسألة.
وأوضح اللّاعب مالك شويخ:
“اليوم قررت نحكي علي صار وعالقهر إلي ساكت عليه عندي مدة خاصة بعد إلي صار البارح، ما راعني إلا نلقى روحي المدرب حطني خارج القائمة وهذا الكل عرفتو وقت آنا في حجرة الملابس، وفي اللحظة هذيكا حسيت بالقهر وخرجت direct مالستاد منيش فاهم فاش قاعد يصير على عكس إليّ قاعد يتقال إلي أنا رفضت نقعد عالبنك”.
وتابع شويخ: “شطر les matchs لي تلعبو كنت عالبنك ونشجع في صحابي وكنت راضي خاتر أذاكا choix متع l’entraîneur، وأنا ما عليا كان نحترمو”.
في ختام التّدوينة، كتب اللّاعب مالك شويخ: “عمري ما تكبرت على الأولمبي الباجي هذيكا جمعيتي إلي علمتني برشا حجات وعطاتني فرصة بش نلعب ونظهر ولا عمري نهار نكرت الكلام هذا. فما حاجات غريبة صايرة إلي لبرا ما يعرفوهاش وحسبي الله ونعم الوكيل في كل من كان سبب وحب يحطلي العصا في العجلة وكل من يحب يشوه سمعتي.”
