كتب: الفنان نور شيبة
صفة فنان عندها مفهوم خاطئ عند الكثير على خاطر ينجم يكون صوتك حلو وتعرف تغني وتعمل غنايات ضاربة وتعمل حفلات ناجحة جماهريا…وهذا بالطبيعة جميل ولكن لترتقي إلى صفة فنان لازمك تكون إنسان يعيش بقلب صافي صادق طيب، وصاحب مواقف وصاحب واجب أو ولد ولا بنت خير وبرشا معاني نبيلة أخرى…
أحسن مثال
أنا نعرفها متجسدة في الأخ والصديق العزيز الفنان العربي الكبير صابر الرباعي وهو أحسن مثال على ذلك أما الصفات هاذي وغيرها يتعيش بيها بعيد على الأضواء يعاون يواسي ..يدعم …يشجع ..بقلب صافي وافي وهذه الإرسالية إلي وصلتني منو خير دليل على ذلك…
لا تعزي لا تهني
في حين فمة ناس لا تعرف لا تعزي لا تهني خاطرها غارقة في الخيوبية والحسد والغيرة، وماذا بيهم كان بقيت غادي على خاطر شعارهم في الحياة صاحب صنعتك عدوك الفن عمرو ما كان صنعة… الفن أخلاق ورسالة وإحساس صادق…
بالفعل الي ما عاشش أزمات خايبة في حياتو عمرو ما باش ينجم يكشف حقيقة الناس الي دايرة بيه…
صابر يا فنان يا كبير شكرا على كلامك وتشجيعك وإنسانيتك ورجوليتك وصدقك…
شكرا يا فخر الفن التونسي صديقي..
