كتب: صالح الحاجّة
والله ما دمرو تونس وحرقتولنا اعصابنا الا امثالك ..
توة انت حاسب نفسك سياسي مهم وعندك حزب ..
المفروض فيه تحشم على روحك وتنسحب ..وتشد دارك وتضم فمك ..
عندك دهر وانت تحكي وتخرف وتهز وتنفض ولا نهار فهمت اللي احسن مشروع تقوم بيه هو تسيب عليك من السياسة ..
تونس فدت منك ومن امثالك ..
تونس ما ضاعت في الطريق الا بنوعية تفكيرك وتفكير جماعتك اللي زعمة زعمة حداثيين …بينما انتوما عظمة بلا فص ..
ياخي ماكش فايق اللي افكارك قديمة وما عادش تنفع الناس ..
ياخي ما في بالكش اللي الاتحاد السوفياتي مشى يزمر ..
ياخي ما قالولكش اللي الرفيق انور خوجة مدمر ألبانيا انتقل إلى الرفيق الاعلى ..
فيق على روحك وافهم اللي فلوسك وفات ..
وسامحنا من غير مطرود ..
