كتب: صالح الحاجّة
والله عجبني الصحفي المصري توفيق عكاشة برشة على خاطر جابها من الاخر …
نشر إعلان قال فيه القناة اللي تحب تحكي معايا تعطيني 5 آلاف دولار على الساعة …و10 آلاف على الساعتين ..ولا بيع ولا شراء ..اللي يدفع لي نتكلم ..ماتدفعش روح مع السلامة …
ومع المشاكس توفيق عكاشة كل الحق لان زمن الإعلام البلوشي انتهى …تخلصني نحكي ماتخلصنيش سامحني من غير مطرود ..
انا انتمي الى جيل يزيد من مكتوبو ..
قال مرة العميد الحبيب شيخ روحه وهو يقدمني الى الباهي الادغم ربي يرحمهم :
هذا لو نطردو اليوم غدوة يجي يخدم بلاش ..
ولم يبالغ الرجل ..ولم يكذب …
تلك هي الحقيقة …
خدمت طويلا بلاش ولم اندم لانني عاشق مهبول للصحافة ..
الصحافة دمي ودموعي وحبي ووجودي …وما الحب الا للحبيب الاول ..
