كتب: صالح الحاجّة
صديقي العزيز مسيك بالخير ..
برة اشرب شريبة ماء وامسح عرقك وارتاح شوية وتنفس مليح..
ننصح فيك خاطر نحب لك الخير ..وما نحبكش تغلط وتدخل في حيط ..
نعرف مليح اللي الهواء طاحلك …واعصابك تحرقت وما عادش تحكم فيها ..
نعرف ..والله نعرف ..وعاذرك ..
أما صلي على النبي وسيب عليك ..
كون عاقل وابلع السكينة بدمها وياناس ما كان باس …
طفي الضوء والعن الشيطان وما تزيدش تخسر اكثر من اللي خسرتو ..
هكة توة على دلاعة بش تحرب الدنيا..
ايه وبرة كان الدلاعة ماسطة ..والا قرع …والا فاسدة ..
غمض عينيك وكولها..
محسوب ..المساطة مستانس بيها …وعينيك ماهم ديمة مغمضين …و استر ما ستر الله …
هيا هات برج معاك وصحة بالشفاء ..
