كتب صالح الحاجّة
فرحت برشة كتونسي بالاتفاق التونسي الايطالي اللي يسمح لي نسوق الكرهبة في إيطاليا برخصة سياقة تونسية ..
بالله تصور انت تونسي وتبدأ تحوس بكرهبتك في شوارع روما بكل حرية وما يطلبوكش في ‘بيرمي’ ايطالي ..
البوليس يوقفك وانت توريه ‘البرمي التونسي’ يحشم على روحو ويطلب منك السماح خاطر وقفك بالغالط ..
والله نشوة كبيرة تحس بيها وانت هازز صدرك وادز في صدرك ونافخ ريشك ..وين؟..في بلاد الطليان ..
ما اقوانا ..
اما نسيت نقلكم الكرهبة في إيطاليا منين نجيبها؟
