كتب: صالح الحاجّة
اعتذر اليوم رضوان المصمودي لرئيس الجهورية بعد ان نشر عنه معلومات غالطة حول مرضه …والاعتذار كان علنيا وعبر احدى الاذاعات …وانا اسأل سي رضوان طالما انت ما عندكش معلومات… وما عندكش مصدر رسمي او مطلع او موثوق به …وما عندكش صحفيين يخدموا معاك مثلما صرحت .. ما عندكش…وما عندكش….
كي ما عندكش خويا العزيز علاش تقحم في نفسك في الباطل الذي ويا للاسف الشديد يقع فيه اليوم الكثير من التونسيين فينشرون عن الناس في الفيسبوك الاكاذيب والاتهامات والاشاعات والشتائم ويلوثون سمعتهم و’يمرمدوهم’…
أنت تبارك الله عليك تعيش في أمريكا وعندك مركز بحوث المفروض أنك تعرف ألف باء لعبة الصحافة والاعلام والتعبير والكلام ..والالف والباء هي ‘يا تعرف والا ما تعرفش’ ….
أ لم تتعلم يا سي المصمودي ان الكلمة مثل الرصاصة تدمر وتقتل وترعب …؟ ومن خلالك اريد توجيه رسالة الى الجميع مفادها: الشيء اللي ماتعرفوش ما تتكلمش فيه …
