كتب: صالح الحاجّة
اسمع مني فانا لا اقول لك الا الصحيح …
وعندما اقول لك : احنا التوانسة ماناش خايبين …لا اكذب ..ولا ابالغ …ولا انافق ..
احنا التوانسة في الغالب الأعم باهين وماناش اشرار …ونحبو نعملو الخير في اللي يستاهل واللي ما يستاهلش ..
باهين كنا في الماضي ومازلنا في الحاضر وباش نبقاو طيبين في المستقبل …
ثمة شكون يشكك فينا …ويشوهنا في صورتنا …ويتقول علينا …
ولكن الحقيقة احنا شعب طيب الاعراق …
صحيح فينا كمشة ‘أولاد حرام’…ولكن ذلك لا يفسد للود قضية ..
واعطيني شعب واحد مافيهش مجرمة …وفساد …و منحرفين …
كل شعوب الأرض حمص وزبيب …باهين وخايبين …
احنا والحمد لله فينا الباهين اكثر برشة من الخايبين …
ولذلك من حقك ان تقول لو لم اكن تونسيا لوددت ان اكون …
