كتب غازي العيادي
نصيحة لوجه الله الي الفنان التونسي العزيز
بعد الي شفناه من اكتساح الفنانين الأجانب لبلادنا باهي وخايب على بعضه..
اعمل قيمة وقدر لنفسك وحاول ابعد علي اي حاجة تقللك من قيمتك، و’البراني’ الي داخل خارج عندنا وياخذو في مئات الملايين ماهوش احسن منّك..
والجمهور الي توا يميّز ‘البراني’ عليك غدوة يتبدًل كيف يلقاك تبدّلت وعطيت قيمة لنفسك وللعمل متاعك آمن بقدراتك ومعادش تشكي من حتي شيء قدام الناس وحاول كون سند الي زميلك حتي لو كان مافماش محبة راو فما مصالح تجمعكم و غدوة تولي لحمة كبيرة…
ويلزم وقفة صحيحة ضدّ المتطفلين والمندسّين في الميدان الي يشوّهو في صورة الفنان الراقية وصدقوني لو كان تفهمو كلامي يتغير حالكم الي الأفضل وتوليو من افضل الفنانين في العالم العربي علي خاطر المادة الخام موجودة وبجودة عالية برشة امنو بانفسكم وربي يلم شملكم…
