روى الطبيب ذاكر لهيذب وقائع صادمة لما جرى لامرأة تونسية على يد مشعوذ من ولاية باجة…بعد أن تسبب لها في مضاعفات صحية خطيرة، واحالها على الإنعاش بعد أن زعم أنه سيعالجها من مرض ‘عرق الأسى’…
وكشف الدكتور ذاكر لهيذب تفاصيل ما جرى للمرأة المتضررة قائلا:
نجح البڤاط وسقط الاطباء…
نحب نهني البڤاط المشعوذ الي في ولاية باجة، راهي المرأة الي تحيلت عليها وجاتك موجوعة بعرق الاسى sciatique hyper algique وعملتلها جرح وراء الركبة، راك نجحت انك تتسببلها في تجلط دموي في الوريد الرجلي thrombose veineuse profonde, وراك نجحت زادة في ان التخثر الدموي طلع للقلب ثم الى الرئتين وتسبب لها في تجلط رئوي حاد Embolie pulmonaire.
ونزيدك راهي رقدت ايام في الإنعاش والحمد لله هي لباس، اما راهو ممنوع على الاطباء انهم يعملولها عملية على عرق الاسى على خاطرها باش تاخذ ادوية للسيولة لمدة طويلة.
صحة ليك يا معلم جيت تعيش في دولة متخلفة، حتى واحد ما شكى بيك وحتى واحد ما وقفك على حدك.
وصحة ليك ماطاحش شعرك وانت تحضر في الامتحانات.
وصحة ليك ما متش في الحبس على خاطر الوصفة الطبية متاعك فيها مواد مخدرة .
وصحة ليك ما متش بالحمصة وحدك في غرفتك حزين على حال المستشفيات .
وصحة ليك المائة دينار الي خذيتهم من عند المرأة ماعطيتش منهم 42 دينار الدولة.
وصحة ليك ويسلم قرايتك وحسبي الله ونعم الوكيل .
